अहिले देशैभरको मौसम बदली भएर केही ठाउँमा पानी परिरहेको छ । मौसम पूर्वानुमान महाशाखाका अनुसार गोरखा, मनाङ, कास्की लगायत गण्डकी प्रदेशका केही जिल्लाका केही ठाउँमा पानी परिरहेको छ । पूर्वदेखि पश्चिमसम्मकै हिमाली र उच्च पहाडी क्षेत्रमा हल्का हिमपात पनि भइरहेको छ ।
आज राति पनि देशैभर बदली भइ लुम्बिनी प्रदेशका पहाडी जिल्ला र अरु प्रदेशका केही ठाउँमा हल्का वर्षाको सम्भावना छ । भोलि काठमाण्डौ र काठमाण्डौ पूर्वका केही ठाउँमा पानी पर्ने सम्भावना छ । पानी सबैतिर नपरे पनि सबै हिमाली क्षेत्रमा हिमपातको सम्भावना भने रहेको मौसमविद् रोजन लामिछानेले जानकारी दिनुभयो ।
यो खबर पढेर तपाईलाई कस्तो महसुस भयो ?
0%
मनपर्यो
0%
हाँस्यास्पद
0%
अचम्मित
0%
थकित
0%
दुःखी
0%
आक्रोशित
