कपिलवस्तुको बाणगंगामा सवारी दुर्घटनामा परी एक जनाको ज्यान गएको छ भने एक जना घाइते भएका छन् ।
बुधबार राति करिब ११ बजेको समयमा पुर्व पश्चिम राजमार्ग अन्र्तगत कलिवस्तुको बाणगंगा नगरपालिका वडा नम्बर ८ चप्परगाउँ, भोटेपथमा दाङबाट पोखराका लागि छुटेको ना ७ ख ५३९१ नम्बरको यात्रुवाहक बससँग विपरित दिशाबाट गइरहेको लु २० प ५४९४ नम्बरको मोटरसाइकल ठोक्किदा मोटरसाइकल चालक रुपन्देहीको ओमसतिया गाउँपालिका घर भएका ३२ वर्षीय सुमन थारुको मृत्यु भएको इलाका प्रहरी कार्यालय पिपराका प्रहरी निरिक्षक दिपकबाबु के।सीले बताएका छन् ।
थारुको उपचारका क्रममा मृत्यु भएको हो । यस्तै मोटरसाईकलको पछाडि सवार अर्का ३८ वर्षीय भवनाथ कुँवरको भैरहवा स्थित अस्पतालमा उपचार भइरहेको प्रहरीले जनाएको छ ।
बस र चालक प्रहरीको नियन्त्रणमा लिइ थप अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
0%
मनपर्यो
0%
हाँस्यास्पद
0%
अचम्मित
0%
थकित
0%
दुःखी
0%
आक्रोशित
