सौन्दर्य कला व्यवसायी संघ कपिलवस्तुको १५ औ साधारण सभा तथा पाँचौ अधिवेशन सम्पन्न भएको छ ।
कपिलवस्तुको बुद्धभुमी नगरपालिका २ गोरुसिङ्गे मायाज होटलमा सम्पन्न साधारणसभा तथा अधिबेशनबाट शान्ता थापाको नेतृत्वमा १६ जनाको नयाँ कार्य समिती चयन भएको छ ।
जसको उपाध्यक्षमा शोभा पुन,सचिव जुनु अर्याल,सह सचिव सानी बराल, कोषाध्यक्ष रवती गुरुङ्ग, सह कोषाध्यक्ष सकरामी थारु, सदस्यहरुमा गुडु गुप्ता ,लक्ष्मी कार्की, मिना थापा, सरु बिष्ट,पुजा पाण्डे ,मालती क्षेत्री, गोमा कुवर, रितु खड्का, सन्ध्या झार्की,अर्चना भुषाल,सपना घिमिरे, सल्लाहकार मीना बिष्ट,गंगा के.सी. रहेका छन् ।
प्रमुख अतिथी सौन्दर्य कला व्यवसायी संघकी केन्दीय उपाध्यक्ष मिना प्रधानले महिलाहरु आफुमा सक्षम बन्नु र आफनो व्यवसाय सञ्चालन गरि एक प्रतिठित पेशाको रुपमा यसलाई अगाडि बढाउनु आफैमा राम्रो कुरा रहेको वताउदै कपिलवस्तु जिल्लामा रहेका व्यवसायीहरुलाई संघले एउटै मालामा जोड्ने काम गरेर व्यवसायीको हकहितमा काम गर्दै आएकोमा कपिलवस्तु शाखालाई धन्यवाद समेत ज्ञापन गर्नु भएको थियो । नव निर्वाचित नेतृत्वले आगामी दिनमा अझ रचनात्मक कार्य गर्ने अपेक्षा सहित नव निर्वाचित पदाधिकारीहरु प्रति हार्दिक बधाई सहित सफल कार्यकालको शुभकामना व्यक्त गर्नू भयो ।
नेपाल प्रेस युनियन कपिलवस्तु शाखाका सभापति गोपाल भण्डारीले नव निर्वाचित पदाधिकारीहरु प्रति हार्दिक बधाई सहित सफल कार्यकालको शुभकामना व्यक्त गर्दै सान्दर्य कला व्यवसायीको नाममा प्रत्येक आर्थिक बर्षमा स्थानीय सरकार ,प्रदेश सररकारले महिलाहरुका लागि सिपमुलक तालिम बिभिन्न शिर्षकमा बजेट बिनियोजन गरेको हुन्छ । सोही बजेटलाई सहि थाउँमा सदुपयोग गर्नका लागि यस संघले बिभिन्न पहल गर्ने छ । र यस संघलाई नेपाल प्रेस युनियनले ,मिडियाहरुले आवश्यक परेको खण्डमा निस्वार्थ रुपमा जस्तो सुकै सहयोग गर्नका लागि पनि तयार रहेको बताउनु भयो ।
त्यसै गरि नव निर्वाचित अध्यक्ष थापाले सौन्दर्य कला व्यवसायी संघ कपिलवस्तु दुई चार जनाको संघ नभएको वताउदै जिल्लाका अधिकांश व्यवसायी साथीहरुलाई समेटीएको छ । छुटेका केही साथीहरु भए तत्काल यस संघमा आवद्ध गराएर व्यवसायीको हक हित र पिर मर्कामा पनि साथ दिने गरि अगाढि बढाउने बताउनु भयो । हामीले सिकेको सिपलाई हरेक क्षेत्रमा प्रस्तुत गर्नु आबश्यक छ । त्यसैले यहाँहरु सबैको साथ रहने कुरामा विश्वास व्यक्त गर्दै । सौहार्द पुर्ण वातावरणमा आफुलाई जिल्लाका सवै व्यवसायी साथीहरुले एउटा जिम्मेवारी प्रदान गर्नु भएकोमा सबै प्रति हार्दिक आधार समेत व्यक्त गर्नु भएको थियो ।
कार्यक्रममा सौन्दर्य कला व्यवसायी संघकी केन्दीय उपाध्यक्ष मिना प्रधानको प्रमुख अतिथ्यता,सौन्दर्य कला व्यवसायी संघ कपिलवस्तुकी नव निर्वाचित अध्यक्ष शान्ता थापा अध्यक्षता, बिशिष्ट अतिथी सौन्दर्य कला व्यवसायी संघकी केन्दीय सदस्य जेनि श्रेष्ठ , रुपन्देही जिल्ला अध्यक्ष रेणु श्रेष्ठ , निबर्तमान अध्यक्ष बिना बिष्ट, अतिथी नेपाल प्रेस युनियनका जिल्ला अध्यक्ष गोपाल भण्डारी ज्यू, सामुदायिक रेडियो वाणगंगाका स्टेशन म्यानेजर गणेश पोख्रेल, साझा न्यूजका रिपोटर सौरभ कार्की लगायत समितीका पदाधिकारी, सल्लाहकार ,सौन्दर्य कला व्यवसायी संघ कपिलवस्तुमा आवद्ध सम्पुर्ण व्यवसायीहरुको उपस्थीती रहेको कार्यक्रमको सञ्चालन संघकी सह कोषाध्यक्ष सकरामी थारुले गर्नु भएको थियो ।
