कपिलवस्तु बाणगंगा–७ का एक युवकले कपिलवस्तुकी एक युवतीको फोटो फेसबुकमा पोष्ट गरेर जथावाफी लेखेको भन्दै मरणासन्न हुने गरी कुटपिट भएको छ । बाणगंगा–७ का २४ वर्षीय सन्दिप विश्वकर्माले फेसबुकमा सिता गिरी परिवर्तित नामकी एक युवतीको फोटो फेसबुकमा पोष्ट गर्दै जथावाफी लेखेको भन्दै युवतीको परिवार र युवाहरुले ज्यान मार्ने नियतले मरणासन्न हुने गरी कुटपिट गरेको पीडितका फुपाजू पिताम्बर विश्वकर्माले बताए । घटना ५ गते विहान भएको विश्वकर्माले बताए ।
विश्वकर्माले सन्दिपले गल्ती गरेको भए कानुनी कार्वाही हुनुपर्ने तर कसैको ज्यानै लिने गरी कुटपिट गरी अब म¥यो भनेर छाडेर हिँड्नु गम्भीर अपराध भएको बताए । उनले सन्दिपको भैरहवा मेडिकल कलेजमा उपचार भैरहेको तर अवस्था गम्भीर रहेको टाउकोमा गम्भीर चोट लागेको मान्छे चिन्न पनि नसकेको र अप्रेसन पनि हुन नसकेको बताए ।
विश्वकर्माले आफूहरु इलाका प्रहरी कार्यालय पिपरा कपिलवस्तुमा जाहेरीका लागि ४ दिनदेखि धाउँदा पनि जाहेरी लिन नमानेको र राजनीति संरक्षणका कारण जाहेरी लिन नखोजेको र घटना मिलाउन आफूहरुलाई दवाब दिएको बताए ।
इलाका प्रहरी कार्यालय पिपराका प्रहरी निरीक्षक दीपक बाबु केसीले जाहेरी निवेदन आएको प्रहरीले गर्ने कार्य गरीरहकेो र आफूहरुले घटनाको अनुसन्धान गरीरहेको प्रतिक्रिया दिँदै दोषीलाई कार्वाही हुने बताए ।
