नेपाली काँग्रेस चितवनको अधिवेशन आज (शुक्रबार) हुँदै छ । आज बिहान ९ बजेदेखि नारायणी कला मन्दिरमा मतदानको सुरु हुने छ। उम्मेदवारी मतदाताको अन्तिम नामावली प्रकाशनपछि मतदान सुरु हुने निर्वाचन अधिकृत ज्ञानेन्द्र प्रसाद अधिकारीले जानकारी दिए ।
घिमिरे नेविसंघका पूर्व जिल्ला सभापति एवं कृषि तथा वन विज्ञान विश्वविद्यालयका संस्थापक रजिष्ट्रार हुन् । खनाल र भुषाल महासमिति सदस्य हुन् भने कोइराला हालका उपसभापति र जोशी सचिव छन् । श्रेष्ठ बागमती प्रदेशसभा सदस्य एवं मन्त्री हुन् ।
मन्त्री श्रेष्ठलाई जिताउन संघीय राज्यमन्त्री एवं केन्द्रीय सदस्य उमेश श्रेष्ठ, बागमती प्रदेश सभापति इन्द्रबहादुर बानियाँ र केन्द्रीय सदस्य अञ्जनी श्रेष्ठ लगायत खुलेरै लागेका छन् । इत पक्षमा ४ उमेदवार भएपछि कोइराला खेमाका केन्द्रीय नेताहरु मौन देखिन्छन् ।
पार्टी सभापति जितनारायण श्रेष्ठले धेरै उमेदवार हुनु चितवनको संस्कार बनिसकेकाले दोस्रो चरणमा मात्र चुनावको आंकलन हुने बताए । कोइराला समूहको साझा उमेदवार तय गर्न केन्द्रीय सदस्य अर्जुननरसिंह केसी लगायतले पहल गरेका थिए । तर चार जनाले सभापतिमा मनोनयन दर्ता गराएका छन् ।
