यही फागुन ९ गते मोटरसाइकल दुर्घटनामा परी घाइते भएका युवकको बिहीबार मृत्यु भएको छ।
मृत्यु हुनेमा रम्भा गाउँपालिका-१ का ३३ वर्षीय पवन थापा रहेको जिल्ला प्रहरी कार्यालय पाल्पाका सूचना अधिकारी प्रहरी निरीक्षक लक्ष्मण पचभैयाले बताए।
सोही ठाउँको दमाइँटोलबाट पन्टारतर्फ जाँदै गरेको लु७९प १०९८ नम्बरको मोटरसाइकल अनियन्त्रित भई सडकमा पल्टिएको थियो।
घाइतेको बुटवल चौराह अस्पतालमा उपचारका क्रममा आज मृत्यु भएको पचभैयाले बताए। तानसेनस्थित लुम्बिनी मेडिकल कलेजले थप उपचारकf लागि बुटवल रेफर गरेको थियो। घटनाबारे थप अनुसन्धान भइरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
0%
मनपर्यो
0%
हाँस्यास्पद
0%
अचम्मित
0%
थकित
0%
दुःखी
0%
आक्रोशित
