बुद्धभुमि नगरपालिकामा आज देखि वडा कप खेलकुद प्रतियोगीता सुरु भएको छ । बुद्धभुमि ४ को समवन्य र बुद्धभुमि नगरको सहयोगमा प्रतियोगीता आजबाट सुरु भएको हो ।
खेलकुद प्रतियोगीतालाई कार्यक्रमका प्रमुख अतिथी एवं बुद्धभुमि उपमेयर मिराथारुले दिप प्रज्वलन गरी समुद्घाटन गर्नु भएको थियो । ३ दिन सम्म संचालन हुने प्रतियोगीतामा वडाका विद्यालयहरुले सहभागीता जनाउदै छन । १० वटा भिन्न भिन्न विद्यामा खेलकुद प्रतीयोगीता गराईने वडा अध्यक्ष पवन थारुले बताउनुभयो । हामीले वडाका बालबालिका एवं विद्यार्थीहरुको प्रतिभा पहिचान र शसक्तिकरणका लागी प्रतियोगीता गरेका हौ अध्यक्ष थारुले भन्नुभयो ।
बुद्धभुमि ४ का वडा अध्यक्ष पवन थारुको अध्यक्षतामा सुरु भएको वडाकप प्रतियोगतीता औचारिक कार्यक्रम सुरेन्द्र थारुको संचालन र कार्यपालिका सदस्य खिमकला पाण्डेको स्वागत मनतब्य रहेको थियो । कार्यक्रममा विशिष्ट अतिथीका रुपमा बुद्धभुमी नगरपालिका प्रमुख प्रशासकिय अधिकृत केशवराज सुवेदी लगायत विभिन्न राजनैतिक दल , सरकारी गैह सरकारी कार्यालय , विभिन्न विद्यालयका प्रध्यानाध्यापकको सहभागीता रहेको थियो ।
